Tuesday, April 26, 2016

Mheshimiwa Rais Mstaafu Dkt. Jakaya M. Kikwete na Mama Salma Kikwete wakaribishwa nyumbani kwa Mhe. Balozi Wilson M. Masilingi

Wiki iliyopita Mhe. Wilson M. Masilingi, Balozi wa Jamhuri ya Muungano wa Tanzania Washington, DC, alimkaribisha Rais Mstaafu Mhe. Dkt. Jakaya M. Kikwete nyumbani kwake kwa chakula cha jioni na kujumuika pamoja na ujumbe wa Jamhuri ya Muungano wa Tanzania, ambao walikuwa nchini Marekani kwa ajili ya kuhudhuria mikutano ya Benki ya Dunia (World Bank Group) na International Monetary Fund (IMF) tarehe 12 - 17 Aprili 2016. Kwenye ziara yake jijini Washington, Mhe. Rais Mstaafu Kikwete alishiriki katika Kongamano la Kimataifa la Afya (World Health Congress) na Mkutano wa Kamisheni ya Umoja wa Mataifa ya Kushauri Namna Bora ya Kugharamia Fursa ya Elimu kwa Wote Duniani (International Commission on Financing Global Education Opportunity).

DSC_0447.JPG
Mhe. Rais  Mstaafu Dkt. Jakaya M. Kikwete akiwa na Mama Salma Kikwete katika picha ya pamoja na wenyeji wao, Mhe. Balozi Wilson Masilingi na Mama Marystella Masilingi

Mhe. Rais Mstaafu Mhe. Dkt. Jakaya M. Kikwete akibadiliashana mawazo na Katibu Mkuu Wizara ya Fedha na Mipango Dr. Servacius Likwelile (kushoto), Mhe. Balozi Wilson Masilingi na Gavana wa Benki Kuu Prof. Benno Ndulu nyumbani kwa Mhe. Balozi , Tanzania House Bethesda, MD.

Monday, March 14, 2016

Ujumbe wa JWTZ watembelea Ubalozi wa Jamhuri ya Muungano wa Tanzania Washington, DC (11 Machi, 2016)

Mhe. Wilson M. Masilingi, Balozi wa Jamhuri ya Muungano wa Tanzania Washington, DC alikutana na Ujumbe wa JWTZ ulioongozwa na Mkuu wa Tiba Jeshini, Brigedia Jenerali (Dkt.) Denis Raphael Janga, aliyekuwa amefuatana na Mkuu wa Chuo cha Kikeshi cha Tiba - Lugalo, Brigedia Jenerali (Dkt) Robinson Mboni Mwanjela. Wengine ni Mkurugenzi wa Kinga Jeshini, Luteni Kanali Charles Emilio Mwanziva pamoja na Kaimu Mkurugenzi wa Idara ya Wauguzi, Luteni Kanali Lawrence Tia Banda. Ujumbe huo ulikwa na ziara ya Kikazi ya wiki moja hapa Marekani, katika kuendeleza mahusiano baina na JWTZ na majeshi ya Marekani.
 
 Pichani kutoka kushoto: Col. Adolph Mutta (DA), Brig. Gen. (Dkt) Denis R. Janga, Mhe. Balozi Wilson M. Masilingi, Brig. Gen. (Dkt) Robinson M. Mwanjela, Lt. Col. (Dkt) Charles E. Mwanziva na Lt. Col. Lawerence T. Banda

Wednesday, December 30, 2015

Mikutano ya Mhe. Balozi Wilson M. Masilingi Oakland, California Dec. 19, 2015

Katika ziara ya Mhe. Balozi Wilson M. Masilingi ya Oakland, California alikutana na wafanyabiashara katika sekta ya utalii wanaopeleka watalii Tanzania katika kampuni zao. Mhe. Balozi aliongea nao kujua changamoto wanazopata katika kupeleka watalii Tanzania, kwaajili ya kutengeneza mkakati wa kuongeza idadi ya watalii wanaoenda huko. Baada ya maongezi yao, Mhe. Balozi aliwaahidi kufuatilia mazungmzo yao na kuendelea kushirikiana katika mpango wa kuongeza idadi ya watalii. Baada ya mkutano huo Mhe. Balozi alitembelea ofisi ya Hon. Consul Bw. Ahmed Issa. 

Mhe. Balozi Wilson M. Masilingi pamoja na Hon. Consul Bw. Ahmed Issa na Wafanyabiashara wa Utalii na Wadau mbalimbali wa Elimu 


Bw. Bill Roberson wa INCA, Perry Roberson wa Blue Odyssey Tours, Brenda Ross wa Sister City na Bw. Alan Feldstein wa Infinite Safari Adventures


Honurary Consul wa Jamhuri ya Muungano wa Tanzania, California Bw. Ahmed Issa

Tuesday, December 29, 2015

End of the Year Message of H.E Ambassador Wilson Masilingi to the Tanzanians living in the United States.



 
H.E Ambassador Wilson Masilingi delivered his end of year message which called Tanzanians living in the United States of America to strengthen their cooperation and continue to be good Ambassadors of the United Republic of Tanzania to the United States of America. He also highlighted various activities that, the government of the United Republic of Tanzania through the Embassy in the United States is implementing in realization of the Economic Diplomacy. Ambassador’s message reiterated all Tanzanians in the United to engage in various economic and social initiatives so as to contribute to the country socio-economic development. He further assured the Tanzania Diaspora of the Embassy cooperation and readiness to collaborate in any initiative of interest to the people of Tanzania and the Country in General.

Thursday, December 3, 2015

MHE. BALOZI WILSON MASILINGI AKUTANA NA MHE. BALOZI HUNAINAH ALMUGHEIRY WA OMAN WASHINGTON DC



Mhe. Wilson Masilingi, Balozi wa Jamhuri ya Muungano wa Tanzania nchini Marekani akikaribishwa ofisini kwa Mhe. Balozi Hunaina Almugheiry, Balozi wa Oman nchini Marekani.

Mheshimiwa Wilson Masilingi, Balozi wa Jamhuri ya Muungano wa Tanzania nchini Marekani alimtembelea Mhe. Hunainah AlMugheiry, Balozi wa Oman nchini Marekani, ofisini kwake Washington DC leo Alhamisi Desemba 3,2015. Katika mazungumzo Mhe. Balozi Masilingi aliambatana na Bw. Suleiman Ahmed Saleh, Afisa wa Ubalozi wa Tanzania Washington DC.

Mazungumzo kati ya Mhe. Balozi Masilingi na Mhe. Mugheiry yalilenga katika kuimarisha mahusiano kati ya nchi hizo mbili zenye mahusiano ya kidugu. Mhe. Balozi Mugheiry alifurahishwa na kuonana na Mhe. Masilingi na kubainisha kwamba Oman na Tanzania zina mahusiano ya kidamu na hivyo nchi hizo hazina budi kudumisha mahusiano hayo ya kihistoria. Mhe. Mugheiry alimweleza Balozi Masilingi kwamba amefarijika uchaguzi wa Tanzania ulikwisha salama na Tanzania kumpata mrithi wa Rais mpya Mhe. John Pombe Magufuli kufuatia kumaliza muda wake Rais aliyepita Mhe. Jakaya Kikwete.Aliongeza kwa kusema kwamba Oman na Tanzania zimekuwa na mashirikiano ya kiuchumi,kibiashara na kielimu na anaamini kwamba ujenzi wa bandari ya Bagamoyo na fursa za masomo ya juu zinazotolewa na Serikali ya Oman kwa wanafunzi wa Tanzania Bara na Visiwani ni vielelezo vya mahusiano hayo.

Kwa upande wake Mhe. Balozi Masilingi alifarijika sana kumsikia Mhe. Balozi Hunainah wa Oman akimwambia kwamba alizaliwa Dar-es-Salaam, Tanzania, na familia yake ina mizizi visiwani Zanzibar pia. Alimshukuru Balozi Hunainah kwa kumkaribisha ofisini kwake na kufahamiana naye na kuahidi kufanya naye kazi kwa karibu katika kuendeleza mahusiano baina ya nchi zao zenye mahusiano ya asili.

Mhe. Wilson Masilingi katika picha ya kumbukumbu na Mhe. Hunainah Almugheiry

TANGAZO


UBALOZI WA JAMHURI YA MUUNGANO WA TANZANIA, 
WASHINGTON, D.C.
 
TANGAZO

Mhe. Balozi Wilson M. Masilingi anawakaribisha Watanzania wote na Wamarekani wenye asili ya Kitanzania kwenye mkutano mfupi wa kufahamiana utakaofanyika tarehe 12 Desemba, 2015.

Mkutano huo utafanyika katika ukumbi wa Tabeer uliopo 1401 University Boulevard, Hyattsville Maryland 20783, kuanzia saa tisa hadi saa kumi na moja jioni (3:00pm – 5:00pm).

Wote mnakaribishwa, na tafadhali zingatieni muda.

Tuesday, December 1, 2015

MHE. BALOZI WILSON M. MASILINGI AKUTANA NA BI. CATHY BYRNE, MKURUGENZI MWANDAMIZI WA MASUALA YA AFRIKA, IKULU YA MAREKANI (WHITE HOUSE) TAREHE 30 NOVEMBA 2015

Mhe. Balozi Masilingi alitembelea ofisi ya Bi. Cathy Byrne, Mkurugenzi Mwandamizi wa masuala ya Afrika katika Ikulu ya Marekani (White House). Wakati wa mazungmzo yao, Bi. Cathy Byrne alimueleza Mhe. Balozi Masilingi kuwa Serikali ya Marekani inaridhishwa na mahusiano mazuri yaliyopo baina yake na Serikali ya Jamhuri ya Muungano wa Tanzania na Serikali ya Marekani. Aidha alieleza kuwa Serikali ya Marekani inaridhishwa na hatua mbalimbali zinachukuliwa na serikali ya Tanzania, katika kuwaletea wananchi wake maendeleo.

Mhe. Balozi Masilingi amemhakikishia mwenyeji wake kuwa ataendeleza mashirikiano mazuri sana yaliyopo kati ya serikali ya Jamhuri ya Muungano wa Tanzania na Serikali ya Marekani kwa njia ya diplomasia ya uchumi yenye lengo la kuhamasisha biashara na uwekezaji nchini Tanzania.


Mhe. Balozi Wilson M. Masilingi akiagana na Bi. Cathy Byrne mara baada ya kumaliza mazungmzo yao.